கோட்டக்குப்பம் நகராட்சி அலுவலகத்தில் குடியரசு தின விழா கொண்டாடப்பட்டது

இந்தியாவுக்காக உருவாக்கப்பட்ட அரசியல் அமைப்பு சட்டம் நடைமுறைக்கு வந்த நாள் குடியரசு தினமாக கொண்டாடப்படுகிறது. 

கோட்டக்குப்பம் நகராட்சி அலுவலகத்தில் குடியரசு தின விழா கோலாகலமாக கொண்டாடப்பட்டது. குடியரசு தின விழாவையொட்டி, கோட்டக்குப்பம் நகராட்சி அலுவலக வளாகத்தில நடந்த நிகழ்ச்சியில், நகராட்சி ஆணையாளர் திரு. மு. மங்கையர்கரசன் வரவேற்புரை நிகழ்த்தினார்,

நகர் மன்ற தலைவர் எஸ்.எஸ்.ஜெயமூர்த்தி அவர்கள் மகாத்மா காந்தி அவர்களின் திரு உருவ படத்திற்கு மலர் தூவி அஞ்சலி செலுத்தி தேசியக்கொடி ஏற்றி விழா பேரூரை ஆற்றினார்.

நகர மன்ற துணை தலைவர் திருமதி. ஜீனத் பீ முபாரக் சிறப்புரையாற்றினார்.

இந்நிகழ்ச்சியில் நகர மன்ற உறுப்பினர்கள், கோட்டக்குப்பம் முக்கிய பிரமுகர்கள், பொது மக்கள் திரளாக கலந்து கொண்டனர். கோட்டக்குப்பம் நகராட்சி மேலாளர் ( பொருப்பு) திரு.அண்ணாமலை அவர்கள் நன்றியுரை ஆற்றினார்.