சுட்டெரிக்கும் கோடை வெயில்: ரேஷன் கடையில் பொருட்கள் வாங்க வருபவர்களுக்கு நீர் மோர் கொடுத்து அசத்தும் கவுன்சிலர்.

கோட்டக்குப்பம் நகராட்சி 14-வது வார்டுக்குட்பட்ட சின்ன கோட்டகுப்பம் பகுதியில் அமைந்துள்ள நியாய விலை கடையில் ரேஷன் பொருட்கள் வாங்க வருபவர்களுக்கு இலவசமாக நீர் மோர் கொடுத்து அசத்தும் நகர மன்ற உறுப்பினர் M. ஸ்டாலின் சுகுமார்.

மேலும், இந்த நீர் மோர் விநியோகம் 18-05-2023 முதல் 31-07-2023 வரை, ரேஷன் கடை திறந்திருக்கும் அனைத்து வேலை நாட்களிலும் காலை 10 மணி முதல் முற்பகல் 12 வரை நீர்மோர் வழங்கப்படும் என தெரிவித்துள்ளார்.

கடும் வெயிலில் அவதிப்படும் பொதுமக்களுக்கு தாகம் தணிக்கும் வகையில் சுமார் இரண்டு மாதங்களுக்கு நீர் மோர் விநியோகம் செய்யப்படுவது, அப்பகுதி மக்களின் பெரும் வரவேற்பை பெற்றுள்ளது.