கோட்டக்குப்பம் காவல் ஆய்வாளர் திரு.சரவணன் அவர்கள் பணியிடம் மாற்றம். சேவையை பாராட்டி முக்கிய பிரமுகர்கள் வாழ்த்து.

கடந்த மூன்று வருடங்களாக கோட்டக்குப்பம் காவல் நிலையத்தில் ஆய்வாளராக பணியாற்றி வந்த திரு.சரவணன் அவர்கள் பணியிடை மாற்றம் பெற்று வேறு இடம் செல்வதாக அறிவிப்பு செய்துள்ளார்கள்.

கோட்டக்குப்பம் பகுதியில் கடந்த மூன்று வருடங்களாக சிறப்பாக பணியாற்றியதற்கும், கொரானா காலத்தில் தன்னார்வர்களுடன் குழு அமைத்து, அரசு கட்டுப்பாடுகளையும், விதிமுறைகளையும் விழிப்புணர்வு பிரச்சாரங்களையும் முன்னெடுத்து கோட்டக்குப்பம் பகுதியில் கொரோனா கட்டுக்குள் கொண்டுவர பெரும் பங்காற்றியதற்கும், பல பிரச்சனைகளுக்கு தீர்வு ஏற்படும் வண்ணம் செயலாற்றியதற்கும், கோட்டக்குப்பம் டைம்ஸ் குழுவினர்கள், வணிகர் சங்க பிரமுகர்கள் மற்றும் அரசியல் கட்சி பிரமுகர்கள் பாராட்டி பொன்னாடை போர்த்தி வாழ்த்து தெரிவித்தார்கள்.