கோட்டக்குப்பம் குவைத் ஜமாத் சார்பாக 3-ம் ஆண்டு இப்தார், நேற்று 15.04.2022 வெள்ளி மாலை குவைத் முர்காப் பகுதியில் அமைந்துள்ள ஹீர் ரஞ்சா உணவகத்தில் நடைபெற்றது.
இந்நிகழ்விற்கு ஜமாத்தின் ஒருங்கிணைப்பாளர் ஹபிபுர் ரஹ்மான் தலைமை ஏற்றார், தலைவர் ரஹ்மத்துல்லாஹ், துணைத்தலைவர் முஹம்மது கஜ்ஜாலி முன்னிலை வகித்தனர்.
நிகழ்ச்சியின் ஆரம்பமாக ஆலோசகர் முபாரக் ஹுசைன் இறைமறையின் திருவசனங்களை ஓதி துவக்கி வைத்தார்.
தலைவர் ரஹமத்துல்லாஹ் வரவேற்புரை நிகழ்த்தினார்.
ஒருங்கிணைப்பாளர் ஹபீபுர் ரஹ்மான் அவர்கள் ஜமாத்தின் செயல்பாடுகள் பற்றி முன்னுரை வழங்கினார்கள். சிறப்பு அழைப்பாளராக கலந்து கொண்ட மௌலவி கலீலுர் ரஹ்மான் பாகவி அவர்கள் இன்றைய காலத்திற்கேற்ப அனைவருக்கும் பயன் தரக்கூடிய வகையில் சொற்பொழிவை வழங்கினார்கள்.
அழகிய கடன் திட்ட உதவியின் பொறுப்பாளர்களில் ஒருவரான ஹிலால் ராஜா அவர்கள் குவைத் ஜமாத் உறுப்பினர்களுக்கு என்ன செய்து கொண்டிருக்கின்றது, உறுப்பினர்கள் எந்த வகையில் ஜமாத் மூலமாக பயன் பெறுகிறார்கள் என்பதை எடுத்துரைத்தார்கள்.
இறுதியாக குவைத் ஜமாத்தின் துணை செயலாளர் இக்பால் பாபு அவர்கள் நன்றியுரை வழங்க நிகழ்ச்சி இனிதே முடிவுற்றது.
கோட்டக்குப்பம் டைம்ஸ் குழுமங்களில் நீங்களும் இணைய கீழே உள்ள லிங்கை கிளிக் செய்யவும்.
Whatsapp/வாட்ஸ்அப் - https://chat.whatsapp.com/KSeochPqrwG7AKSEezvkC2
Telegram/டெலிகிராம் - https://t.me/KtmTimes
