அதேபோன்று கோட்டகுப்பம் பரகத் நகர் பகுதியில் தொடர் மழை பொழிந்தால் பள்ளிவாசல் தெரு, 11-வது கிராஸ், 9-வது கிராஸ், 7-வது கிராஸ், 12-வது கிராஸ் ஆகிய பகுதிகளில் தண்ணீர் குளம் போல் தேங்கி உள்ளது. மேலும் சில வீடுகளில் தண்ணீர் உள்ளே புகுந்து உள்ளது…

இந்த தண்ணீரை உடனடியாக வெளியேற்ற வேண்டும். இல்லையென்றால் தொற்று நோய்கள் உருவாக காரணமாகி விடும். ஆகவே உள்ளூர் நிர்வாகம் இந்த தண்ணீரை வெளியேற்ற உடனடியாக நடவடிக்கை எடுக்க வேண்டும் என்று அப்பகுதி மக்கள் கோரிக்கை வைக்கிறார்கள்.

இதுகுறித்து வானிலை மையம் கூறுகையில் விழுப்புரம் மாவட்டம் மரக்காணம்- செய்யூர் அருகே அலம்பரை என்ற கிராமத்தின் அருகே புயல் கரையை கடக்கும். இதுவரை16 கி.மீ. வேகத்தில் கரையை நோக்கி வந்த புயல் தற்போது வேகம் குறைந்து 12 கி.மீ வேகத்தில் வருகிறது.

இரவு 11 மணிக்கு புயலின் கண் பகுதி கரையை தொடும். அதிகாலை 3 மணிக்கு புயலின் கண் பகுதி கரையை கடக்கும். புயல் முழுமையாக கரையை கடக்க காலை 10 மணி ஆகலாம். புயல் கரையை கடக்கும்போது வலுப்பெறும்.

மரக்காணத்தில் புயல் கரையை கடக்கும் போது மரக்காணத்தில் 80 கி.மீ வேகத்தில் காற்று வீசும் என தகவல்கள் வெளியாகியுள்ளன. இந்த புயல் காரைக்கால் – மாமல்லபுரம் அருகே கரையை கடக்கும் என கூறப்பட்டது. இதையடுத்து காற்றின் அழுத்தம் குறைவாக இருந்ததால் புதுவை அருகே கரையை கடக்கும் என சொல்லப்பட்டது.

எனினும் புயல் சரியாக எங்கே கரையை கடக்கும் என்பது அது நெருங்கும் போதுதான் தெரியும் என கூறினார்கள். இரவுக்கு மேல் கரையை கடக்கும் என சொல்லப்பட்டது. ஆனால் இது அதிகாலைதான் கரையை கடக்கும் என தெரிகிறது. புயல் கரையை கடந்து 6 மணி நேரம் வரை பல்வேறு மாவட்டங்களில் கனமழை பெய்யும் என தகவல் தெரிவிக்கப்பட்டுள்ளது.

புயல் கரையை நெருங்க நெருங்க கடலூர், விழுப்புரம், மரக்காணம் உள்ளிட்ட பகுதிகளில் கனமழை பெய்து வருகிறது. சூறைக்காற்றும் வீசி வருகிறது. பெரும்பாலான இடங்களில் மின்தடை செய்யப்பட்டுள்ளது. எனவே காரைக்கால்- மாமல்லபுரம் இடையே உள்ள நிலப்பகுதிகள் இருளில் மூழ்கியுள்ளன.

அதனால் நிவர் புயல் மழையால் பாதிக்கப்படுபவர்கள் அனைவரும், இந்த முகாமில் வந்து தங்கி கொள்ளுமாறு கேட்டுக்கொள்ளப்படுகிறது.

இதனால் சாலைகளில் இருக்கும் மரங்கள், காற்று மற்றும் மழையின் காரணமாக ரோட்டில் முறிந்து விழுந்து சென்னையில் உயிர்பலி ஏற்பட்டதன் காரணமாக, தற்பொழுது புதுச்சேரியிலிருந்து சென்னையை நோக்கி செல்லும் ஈசிஆர் சாலை கோட்டகுப்பம் போலீசாரால் தடுப்பு வேலி அமைக்கப்பட்டு எந்த வாகனமும் செல்லாத வண்ணம் தடுக்கப்பட்டுள்ளது.

பொதுமக்கள் யாரும் வீட்டை விட்டு வெளியே வரவேண்டாம் என்று மீண்டும் என்று எச்சரிக்கப்பட்டுள்ளது. அரசின் இந்த உத்தரவை மதித்து நடக்க வேண்டும், நமக்கு உயிர் சேதமோ பொருட் சேதம் ஏற்படாவண்ணம் அனைத்து அரசு விதி முறைகளை பின்பற்ற வேண்டும் என்றும் கேட்டுக் கொள்ளப்படுகிறார்கள். புதுச்சேரி எல்லை அடைக்கப்பட்ட்தால் கோட்டகுப்பம் பகுதி பரபரப்பாக காணப்படுகிறது.

இதன் காரணமாக புதுச்சேரி துறைமுகத்தில் 10 ஆம் எண் புயல் எச்சரிக்கை கூண்டு ஏற்றப்பட்டுள்ளது. இது ஒரு பெரிய அபாயத்தை குறிக்க கூடிய ஒரு எச்சரிக்கையாகும்.

145 கிமீ வேகம்

புயல் கரையை கடக்கும் போது மணிக்க 120 முதல் 145 கிமீ வேகத்தில் பலத்த காற்று வீசும். கடலில் சீற்றம் அதிகமாக காணப்படும். கடல் அலைகள் 2 மீட்டர் உயரம் வரை எழும் என்பதால் மீனவர்கள் கடலுக்கு செல்ல வேண்டாம் என்று எச்சரிக்கப்பட்டுள்ளது.