இந்த நலவாரியத்தில் பதிவுசெய்த உறுப்பினா்களுக்கு எஸ்.எஸ்.எல்.சி. முதல் முதுகலைப் பட்டம், தொழில்கல்வி வரை படிப்பவா்களுக்கு கல்விஉதவித்தொகை, திருமண உதவித் தொகை, மகப்பேறு உதவித்தொகை, கண்கண்ணாடி செலவுதொகையை ஈடுசெய்தல், இயற்கை மரணம் மற்றும் ஈமச்சடங்குக்கான உதவித்தொகை, விபத்தால் மரணம் ஏற்பட்டால் உதவித்தொகை போன்ற பல்வேறு நலத்திட்ட உதவிகள் வழங்கப்பட்டு வருகிறது.

இதற்கான விண்ணப்பங்களை இணையதளத்தில் பதிவிறக்கம் செய்துகொள்ளலாம் அல்லது விழுப்புரம் மாவட்ட ஆட்சியா் அலுவலகத்தில் இயங்கி வரும் மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலகத்தில் பெற்று விண்ணப்பிக்கலாம்.